لتجنب مشكلة عدم فتح أى ملف من ملفات الأوفيس سواء Word أو PowerPoint أو غيرهما ..عند العرض النهائى له .

فى غلطة اغلبنا بيقع فيها.
مثلا خلصنا شغلنا على اوفيس2016 .. وعايزين نعرض الشغل على جهاز به اوفيس اقدم 2007 مثلا.. طبعا هتختلف التنسيقات بشكل كبير.
لأن الأحدث بيفتح الأقدم.. لكن العكس ليس صحيحا.

طيب الحل ايه؟
الحل أننا واحنا بنعمل حفظ للملفات دى . مثلا ملف word نعمل save as ونختار نوع الملف. فى type
ثم نختار word 97-2003 document .
والكلام دة ينطبق على ال PowerPoint وباقى برامج الاوفيس.
ففى حالة الـ PowerPoint .. بردو هنعمل save as ونختار نوع الملف. فى type
ثم نختار PowerPoint 97-2003 presentation .

وبكدا هيكون عندك نسختين من أى ملف ناوى تعرضه .. واحد حديث وواحد قديم احتياطى .

العيب الوحيد فى الموضوع دة. ان اى تنسيقات حديثة موجودة فى الاصدار الحديث وليست موجودة فى الاصدارات القديمة. سيتم الغاءها.
لانها لن تكون مفعلة اذا فتحت بهذا النوع.
بس مش مهم. لانك بالطريقة دى هتضمن 100% ان الملف هيفتح وقت عرضه على اى جهاز فى اى وقت ان شاء الله. وصدقنى أخر حاجة تفكر فيها ساعتها .. لخبطة التنسيقات .
وبكدا مش هتقع فى مشكلة رفض الاوفيس فتح ملفك وقت العرض بس لانه احدث. لأنه ساعتها بتبقى كارثة بكل المقاييس.. وأسأل مجرب.

ربنا يعافينا ويعافيكم. نسألكم الدعاء..

ملحوظة : طبعا الأحسن بل المنطقى إنك تعمل حفظ لملفات الـ word بصيغة pdf .. بعد الإنتهاء من الكتابة تماماً .. ودة سواء كان لغرض الطباعة أو حتى العرض .. للحفاظ على تنسيقاته وشكله وحتى لا يضاف عليه أو ينقص منه أى شئ بالغلط .

انما أنا هنا حبيت أوضح بس إن الطريقة السابقة فى الحفظ تصلح لجمييع ملفات الأوفيس .. ونستخدمها أكثر فى حفظ ملفات الـ PowerPoint .

منشور بواسطة Eman Shalash